Nå kan du bli leiar for Noregs største private eigedom !

Almenningsstyrar – ei unik leiarstilling for Noregs største private eigedom

Skjåk Almenning er på jakt etter ein strukturert og målretta leiar som kan vidareutvikle landets største private eigedom.
Vår noverande almenningsstyrar har tatt ei avgjerd om å slutte i stillinga da utfordringa med pendling har vore krevjande. Han omtalar valet sitt slik:

"Ut frå omsynet til familielivet ser eg ikkje anna råd. Dette er ein utruleg god arbeidsplass med gode kollegaer, så det er ei avgjerd som sit langt inne."

Dette understrekar at Skjåk Almenning er ein arbeidsplass med gode relasjonar og eit sterkt fagmiljø, og at vi har forståing for at livssituasjonen kan krevje andre prioriteringar. 

Om rolla

Som almenningsstyrar vil du ha det overordna ansvaret for heile verksemda. Du vil vere ein sentral aktør i utviklinga av eigedomen og dotterselskapa, og samstundes ha ansvar for å gjennomføre styrevedtak og ta vare på dei rike ressursane til almenningsområdet. Med arbeidsoppgåver som spenner frå administrativ leiing til personalansvar og samarbeid med offentlege forvaltningsorgan, vil du få ein variert kvardag i naturskjønne omgjevnader.

Vi ser etter deg som:

• Har relevant høgare utdanning, gjerne innan felt som: Jus, eiendomsforvaltning, næringsutvikling
• Har erfaring med drift og utvikling av store eigedommar
• Er ein tydeleg og strukturert leiar som kan inspirere og motivere medarbeidarane dine
• Har god økonomisk forståing og erfaring med leiaransvar
• Er målretta, samarbeidsorientert og engasjert
• Har god munnleg og skriftleg formuleringsevne

Kvifor velje Skjåk Almenning?

Du vil få ein spanande og utfordrande jobb der du spelar ei nøkkelrolle i utviklinga av Noregs største private eigedom. Her vil du få moglegheita til å påverke både dagleg drift av verksemda og dotterselskapa våre. Vi tilbyr eit triveleg kontorfellesskap der offentleg og privat forvaltning jobbar saman, samt konkurransedyktige vilkår på løn, pensjon og forsikring. Kanskje blir det og høve til oppsynsarbeid og feltarbeid, slik at du får utnytta og vidareutvikla din kompetanse i felt.

Bli med og sett ditt preg på framtida til Skjåk Almenning!

For meir info ring vår rekrutteringspartner Knut Nyhagen i Veksthuset på tlf. 918 84277
Send søknad på stillinga og legg ved CV ved å bruke linken på sida
Alle søknader vert behandla konfidensielt !

Om arbeidsgiveren

Skjåk Almenning er Noregs største private grunneigar og inkluderer store areal av Reinheimen og Breheimen Nasjonalpark. Almenninga blir leia av eit styre og ein administrasjon, og den nye leiaren vil få det overordna ansvaret for drifta. Sentrale oppgåver for administrasjonen er eigedomsforvaltning og bruksrettsspørsmål, hytter og hyttetomter, skogbruk og forvaltning av jakt- og fiskeressursen. I tillegg har Skjåk Almenning også fleire dotterselskap, der den nye almennigsstyraren vil få ei sentral rolle. Almenninga med dotterselskap omsette for over 70 MNOK i 2022 og hadde 30 tilsette. Administrasjonen er lokalisert i sentrum i Skjåk. Forutan sine eigne 6 tilsette i Skjåk Almenning, består kontorfellesskapet av Glommen Mjøsen Skog SA, nasjonalparkforvaltar for Breheimen, DNT Gudbrandsdal, SNO, Norsk Almenningsforbund og Skjåk IL. Totalt 14 personar med brei natur- og oppsynsfagleg kompetanse, både innan privat og offentleg sektor, utgjer eit spennande og triveleg arbeidsmiljø.